www.dharmabook.ru tibetan OCR



སྐལ་ལྡན་གྲགས་པ་ནི་དམ་ཚིག་ལ་སོགས་པ་ཤེས་པ་དང་བྲལ་བར་རབ་ཏུ་དགའ་བ་
ལ་གནས་པ་ལ་བསྙེན་བཀུར་མི་བྱའོ་ཞེས་འདོད་དོ། གལ་ཏེ་མ་ལ་སོགས་པའི་
རྣལ་འབྱོར་མ་རྣམས་ལ་མཆོད་པ་དེའི་ཚེ་དཀའ་ཐུབ་ཅེས་བྱ་བ་དགེ་བ་ཟད་པར་
འགྱུར་ཞིང་རྣམ་པར་འཇིག་པར་འགྱུར་བ་སྟེ། ངེས་པར་ན་དངོས་གྲུབ་མང་པོ་
རྒྱབ་ཀྱིས་ཕྱོགས་པར་འགྱུར་བའོ། མཆོག་དང་ཐ་མ་ལྷན་ཅིག་འགུགས། ཞེས་
བྱ་བ་ནི་དགུག་པའི་ཆོ་གའི་སྦྱོར་བ་ལ་རྣམ་པར་རྟོག་པ་མི་བྱའོ། དེ་ལྟར་རྫས་ནི་
རྣམ་ངེས་ཡིན། ཞེས་བྱ་བ་ནི་དོན་དམ་པའི་ངེས་པ་ཉིད་ཡིན་ནོ་ཞེས་ཀོངྐ་ནའི་
ཞལ་སྔ་ནས་བཞེད་ད་དོ། སྐལ་ལྡན་གྲགས་པ་ནི་རྟེན་ཅིང་འབྲེལ་བར་འབྱུང་བ་སྟོན་
པར་མཛད་པའི་སངས་རྒྱས་རྣམས་ཀྱི་ངེས་པ་ནི་དེ་ལྟ་བུ་ཡིན་ནོ་ཞེས་འདོད་དོ།
བརྟུལ་ཞུགས་མ་ཉམས་ཞེས་བྱ་བ་ནི་བྲམ་ཟེ་ལ་སོགས་པ་བཅོམ་པའོ། བརྟུལ་
ཞུགས་རྫོགས་ཞེས་བྱ་བ་ནི་དམ་ཆིག་ལ་སོགས་པའི་བརྟེན་པའི་བརྟུལ་ཞུགས་རྫོགས་
པའོ༑ དམ་ཆིག་བརྩོན་ཞེས་བྱ་བ་ནི་དམ་ཚིག་ལ་སྤྱོད་པས་ཟས་ལ་སྤྱོད་པའོ།
རིགས་ལྔ་ལ་ནི་ཀུན་སྤྱོད་པ། ཞེས་བྱ་བ་ནི་རིགས་ཐམས་ཅད་ལ་སྤྱོད་པའོ།
རིགས་ནི་རྣམ་པ་བཞི་རུ་བསྒྲགས། ཞེས་བྱ་བ་ནི་བྲམ་ཟེ་ལ་སོགས་པར་[༡]རིགས་རྣམ་
པ་བཞིར་ཡོངས་སུ་བཤད་པའོ། རིགས་གཅིག་པ་ནི་ཀུན་སྤྱོད་པ། རྣལ་འབྱོར་གྲུབ་
ལ་རབ་ཏུ་མཆོད། ཅེས་བྱ་བ་ལ། དོན་དམ་པ་ནི་རིགས་གཅིག་སྟེ། གྲུབ་པའི་
རྣལ་འབྱོར་པས་མཆོད་ཅིང་རྗེས་སུ་མཐུན་པ་ཡིན་པའོ། དཀོན་མཆོག་གསུམ་ལ་
སོགས་པ་ལ་གནོད་པར་བྱེད་པ་རྣམས་རྣམ་པར་གཞིག་པའི་ཕྱིར་ལས་ཀྱི་ཚོགས་
གསུངས་པ་ནི། བ་ལང་ཤ་དང་ཞེས་བྱ་བ་ལ་སོགས་པ་གསུངས་པ་ཡིན་ཏེ། སྦྱིན་
སྲེག་གི་ཐབས་ལས་གསུངས་པའི་ཆོ་གས་ཐབ་ཁུང་གྲུ་གསུམ་བྱས་ལ་མངོན་སྤྱོད་ཀྱི་
སྦྱིན་སྲེག་གི་ཡོ་བྱད་ད་དང་། ཡུངས་མར་ལ་སོགས་པ་རྣམས་ཀྱིས་མེ་སྦར་ལ་དུམ་སྐྱེས་
9བྱ་

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*