www.dharmabook.ru tibetan OCR



མ་བྲལ་བའི་ངོ་བོ་ཉིད་དུ་སྟོན་ཏོ། བཞུགས་ཞེས་བྱ་བ་ནི་ཁམས་གསུམ་གཅིག་པ་
ཉིད་ཀྱིས་མི་འཇིགས་པའི་རང་བཞིན་ཉིད་དུ་བསྟན་པ་ཡིན་ནོ། ད་ནི་སྟོན་པ་
ཕུན་སུམ་ཚོགས་པ་ཉིད་བསྟན་པའི་ཕྱིར་། མཁའ་འགྲོ་ཀུན་དོངོས་སེམས་དཔའ་
ནི༑ ཞེས་བྱ་བ་གསུངས་པ་ཡིན་ཏེ། མཁའ་འགྲོའི་སྒྲ་ནི་ཉེ་བར་མཚོན་པ་ཙམ་
ཡིན་ཏེ། མཁའ་འགྲོ་དང་མཁའ་འགྲོ་མ་ཐམས་ཅད་ཀྱི་དངོས་པོ་ཡིན་པར་ཤེས་
པར་བྱ་སྟེ། རང་བཞིན་ནམ་རྒྱུད་ཀྱི་ངོ་བོ་ཉིད་དུ་གྱུར་པ་སྟེ། གཅིག་ཏུ་འདྲེས་
པར་གྱུར་པ་ཞེས་བྱ་བའི་དོན་ཏོ། སེམས་ཅན་ཐམས་ཅད་ཀྱི་དོན་མཛད་པར་སྤྱོད་
པས་ན་སེམས་དཔའ་ཡིན་པའམ། མཆོག་ཏུ་བརྟན་པའི་ཡོན་ཏན་དང་ལྡན་པས་
ན་སེམས་དཔའོ། མི་ཕྱེད་པས་ན་རྡོ་རྗེ་སྟེ། རྡོ་རྗེ་ཡེ་ཤེས་ཀྱིས་སེམས་ཅན་
ཐམས་ཅད་ཀྱི་དོན་མཛད་པས་ན་རྡོ་རྗེ་སེམས་དཔའ་ཞེས་བྱ་བྱ་བའམ། ལྷ་ཆེན་པོ་
དང་༑ ཁྱབ་འཇུག་དང་ཚངས་པ་ལ་སོགས་པས་མི་བསྐྱོད་པ་གང་ཡིན་པ་དེ་ནི་
རྡོ་རྗེ་སེམས་དཔའོ། ཡང་ན་ཐབས་དང་ཤེས་ར་བ་ཀྱི་ངོ་བོ་ཡིན་པའི་ཕྱིར་ར་རམ།
བདག་དང་གཞན་གྱི་དོན་ཕུན་སུམ་ཚོགས་པ་ཐབས་དང་ལྡན་པ་ཉིད་ཀྱིས་ཁྱད་པར་
འཕགས་པོའོ། བླ་ན་མེད་པའི་མཆོད་པར་འོས་ཤིང་མཆོག་ཏུ་[༡]བདེ་བ་ནི་ཡིད་
བདེ་བའི་ངོ་བོ་ཡིན་པས་ན་མཆོག་ཏུ་བདེ་བ་ནི་བཅོམ་ལྡན་འདས་ཉིད་དེ། བདེ་
བའི་སྒྲར་བརྗོད་དོ། བདག་དང་གཞན་གྱི་དོན་ཕུན་སུམ་ཚོགས་པ་གསུངས་པ་ཅི་
འདི་དག་ལྷ་དང་གཞན་གྱི་ཁྱད་པར་ཡིན་ནམ་ཞེས་རྟོག་པར་བྱེད་པ་ལ། དེ་གསལ་
བར་བྱ་བའི་ཕྱིར། འདི་ནི་ཞེས་བྱ་བ་ལ་སོགས་པ་གསུངས་པ་ཡིན་ཏེ། ནི་ཞེས་
བྱ་བ་ནི་ངེས་པར་གཟུང་བའོ། རང་ཉིད་འཁྲུངས་པས་ན་རང་བྱུང་སྟེ་གཞན་ལས་
བྱུང་བ་མ་ཡིན་ནོ་[༢]ཞེས་བྱ་བའི་དོན་ཏོ། དེ་ཡང་། སེམས་ཅན་ཀུན་གྱི་སེམས་
གང་ནི། བརྟན་པའི་ཕྱིར་ན་སེམས་དཔར་བ་ཤད། མཉམ་པར་གཞག་པས་
9108

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*