www.dharmabook.ru tibetan OCR



ཉིད་དེ་གསལ་བ་ཉིད་དོ། ཐོད་པ་འོ་མས་བཀང་ན་ཞེས་བྱ་བ་ནི་གནས་སྐབས་
ཏེ་འོ་མའམ་ཆང་གིས་བཀང་བོའོ། གི་ཝང་ནི་གཙོ་ཆེར་སྨོས་པ་དག་སྟེ། སྦྱོར་
བའི་ཕྲེང་པའི་ཁྱད་པར་ཐམས་ཅད་དོན་ཇི་ལྟ་བ་བཞིན་ནོ། འདི་དག་ནི་རྣལ་
འབྱོར་པས་ནུས་པ་ཐོབ་པར་གྱུར་པ་ཡིན་ནོ། གང་གི་ནུས་པ་ཐོབ་པར་མ་གྱུར་པ་
དེའི་ཚེ་ཤིན་ཏུ་མཉམ་པར་གཞག་པས་ཡི་གེ་རེ་རེ་ཞིང་བཟླས་བརྫོད་འབུམ་བྱས་
ཤིང་ཆོ་ག་དང་རྗེས་སུ་མཐུན་པར་ཁཎྜ་རོ་ཧ་དེར་བཞག་ལ་ཡིད་ཀྱིས་མཉམ་པར་
གཞག་[༨]པ་བྱས་ལ་ཆོ་ག་ཐམས་ཅད་བྱའོ། ལེའུ་བཅུ་གཉིས་པའོ།
རང་གི་ཁྲག་ལ་ལན་གསུམ་བཟླས་ནས་ཁར་བཅུག་ལ་ཕྱིར་ཕྱུང་སྟེ་ཐིག་ལེ་བྱས་
ན་ཁྲག་འདྲེན་པར་བྱེད་དོ། ལེའུ་བཅུ་གསུམ་པའོ།
རྣལ་འབྱོར་མ་ནི་མ་མའི་གཟུགས། ཞེས་བྱ་བ་ལ་སོགས་པ་ནི་མངོན་པར་
འདོད་པའི་སྦྱོར་བ་ལ་དམིགས་པས་ཕྱུགས་ལ་ལྟ་[༢]བ་ཡིན་མོད་ཀྱི་འོན་ཀྱང་བོང་བུའི་
སྦྱོར་བའི་རྣལ་འབྱོར་ལྷག་པར་གསུངས་པ་ཡིན་ན་ནོ། དེ་ལ་མན་ངག་གི་རིམ་པ་ནི་
འདི་ཡིན་ཏེ། ཇི་ལྟར་དབང་བསྐུར་བའི་དོན་དུ་དཀྱིལ་འཁོར་ར་བ་ཟླུམ་པོར་
བསྐོར་བ་དེ་ལྟར་བླང་བར་བྱའོ། དེ་ལ་པདྨ་འདབ་མ་བརྒྱད་པའི་ལྟེ་བའི་དབུས་
སུ་ཨཱ་ལི་ཀཱ་ལི་ཡོངས་སུ་གྱུར་པའི་ཡི་གེ་ཧཱུྃ་དང་། ཕྱོགས་ཀྱི་འདབ་མ་བཞི་ལ་སྙིང་པོ་
དང་ཉེ་བའི་སྙིང་པོ་གཉིས་ཀ་དང་། མཚམས་ཀྱི་འདབ་མ་བཞི་ལ་ཁྲག་གིས་ཐོད་
པ་ཡོངས་སུ་གང་བ་དང་རྩིབས་ཉི་ཤུ་བཞི་ལ་ཁཎྜ་ཀ་པཱ་ལ་ལ་སོགས་པའི་སྔགས་བཞི་
བཅུ་རྩ་བརྒྱད་དང་། རྩ་བའི་ཐིག་གི་ནང་དུ་ཁྭ་གདོང་མ་ལ་སོགས་པ་བརྒྱད་ཀྱི་
སྔགས་དང་། རྩ་བའི་ཐིག་གི་སྟེང་དུ་[༤]སྒོ་བཞིའི་གནས་སུ་གནོད་མཛེས་ཀྱི་ཆིག་
་ཅ

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*