ཐམས་ཅད་རྫོགས་པའི་བྱང་ཆུབ་ཀྱི་ཚུལ་དུ་བསྟན་པའི་ཕྱིར་ར་རོ། ཡང་ན་མདོར་
བསྡུས་མིན་ཞེས་སྦྱར་ཏེ། དཔའ་བོ་དང་དཔའ་མོའི་དབང་མོ་མ་ལུས་པའི་སྒོམ་པ་
བཤད་པའི་ཕྱིར་རོ། རྒྱས་པར་མིན་ཞེས་བྱ་བ་ནི་དཔའ་བོ་དང་དཔའ་མོའི་དབང་
མོའི་རིགས་ཅན་ནི་ཐམས་ཅད་དཔའ་བོ་དང་དཔའ་མོའི་དབང་མོ་རྣམས་ཡིན་ནོ་
ཞེས་བཤད་པའི་ཕྱིར་རོ། དེ་ཡང་འོག་ནས། མཁའ་འགྲོ་མ་ནི་ཉི་ཤུ་བཞི།
ཕག་མོའི་རིགས་ལས་ཡང་དག་འབྱུང་། ཞེས་ཇི་སྐད་བཤད་པ་ལྟ་བུའོ། ཡང་
ན་མདོར་བསྡུས་མིན་ཞེས་བྱ་བ་ནི་བསྐྱེད་པའི་རིམ་པས་སོ། རྒྱས་པར་མིན་པ་ར་
ཞེས་བྱ་བ་ནི་རྫོགས་པའི་རིམ་པས་སོ། དེ་ཡང་། རིམ་པ་གཉིས་ལ་བརྟེན་ནས་
ནི༑ རྡོ་རྗེ་ཅན་གྱི་རྒྱུད་སྟོན་མཛད། ཅེས་ཇི་སྐད་བཤད་པ་ལྟ་བུའོ། ཡང་ན་
མོདོར་བསྡུས་མིན་ཞེས་བྱ་བས་ནི་དམ་ཚིག་གི་སྤྱོད་པ་ལ་སོགས་པས་བསོད་ནམས་ཀྱི་
ཚོགས་མ་ལུས་པ་སྟོན་པའི་ཕྱིར་རོ། རྒྱས་མིན་པར་ཞེས་བྱ་བ་ནི་ཤེས་རབ་ཐབ་ཐབས་
ཀྱི་སྦྱོར་བ་ཇི་བཞིན་ཞེས་བྱ་བས་ཡེ་ཤེས་ཀྱི་ཚོགས་མ་ལུས་པ་སྟོན་པའི་ཕྱིར་རོ།
ཡང་ན་མདོར་བསྡུས་པ་སྟེ་ཞེས་བྱ་བ་ནི་གཞུང་ཉུང་བའི་ཕྱིར་རོ། རྒྱས་མིན་པར་
ཞེས་བྱ་བ་ནི་དཔལ་གསང་བ་འདུས་པ་ལ་སོགས་པ་རྣལ་འབྱོར་གྱི་རྒྱུད་མ་ལུས་པའི་
བསྐྱེད་པའི་རིམ་པ་རྣམས་འདིར་བསྐྱེད་པའི་རིམ་པས་བཤད་པའི་ཕྱིར་རོ་ཞེས་ས་སྐལ་
ལྡན་གྲགས་པ་འོདོད་ད་དོ། གསང་བའི་ཚིག་ཁྱད་པར་དུ་བྱེད་པ་ནི། དཔལ་ཧེ་རུ་
ཀ་ཡང་དག་སྦྱོར། ཞེས་བྱའི་[༢]ཚིག་བཞི་ཡིན་ནོ་ཞེས་ཀོངྐ་ནའི་ཞལ་སྔ་ནས་བཞེད་
ལ༑ སྐལ་ལྡན་གྲགས་པ་ནི་དཔལ་ཧེ་རུ་ཀ་ཉིད་ཡང་དག་སྦྱོར་གྱི་ཚིག་ཉིད་ཀྱིས་
ཁྱད་པར་དུ་བྱས་པ་ཡིན་ནོ་ཞེས་འདོད་དེ། དཔལ་གྱི་སྒྲ་ནི་མཆོད་པའི་ཚིག་ཡིན་
ལ༑ དཔལ་གཙོ་བོར་གྱུར་པའི་ཧེ་རུ་ཀ་ནི་དཔལ་ཧེ་རུ་ཀའོ། དེའི་ཡང་དག་
པར་སྦྱོར་བ་ཡིན་པས་ན་ཡང་དག་སྦྱོར་ར་རོ། སློབ་དཔོན་གཞན་དག་ནི་དཔལ་ཧེ་
98


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*