རིམ་དང་རིམ་ལས་བཟློག་པ་ཡི། ཕོ་ཉ་རྣམས་ནི་ཡང་དག་ག་གནས། ཞེས་
བྱ་བ་ནི་སྔར་བརྩོན་ཆེན་མ་ལ་སོགས་པ་གོ་རིམས་བཟློག་པས་བསྟན་པ་དེ་རྣམས་གོ་
རིམས་བཞིན་དུ་བསྒྲུབ་པར་བྱའོ། དེ་ཉིད་ཀྱིས་ན། འོག་དང་སྟེང་གྲུབ་རྟག་ཏུ་
སྟེར༑ ཞེས་བྱ་བ་གསུངས་ཏེ། འོག་ཏུ་གནས་པ་རྣམས་སྟེང་དུ་རྣམ་པར་བཀོད་
ན་དེའི་ཚེ་དངོས་གྲུབ་སྟེར་བར་འགྱུར་རོ་ཞེས་བྱ་བའི་དོན་ཏོ། ཕོ་ཉ་དེ་དོན་ཀུན་
གྲུབ་སྟེར། ཞེས་བྱ་བ་ནི་ཕོ་ཉ་མོ་དེ་མཐོང་བ་དང་ཐོས་པས་ཀྱང་དོངོས་གྲུབ་
ཐམས་ཅད་སྟེར་བར་འགྱུར་ན། བསྒྲུབས་པས་ལྟ་སྨོས་ཀྱང་ཅི་དགོས་ཞེས་པའོ།
ཙུམྦ་ན་དང་རྟག་པར་འཁྱུད། རྣལ་འབྱོར་གནས་ནི་ཁྱད་པར་ཉིད། ཇི་སྲིད་
རྣལ་འབྱོར་ཚོགས་རྣམས་ནི། ཐམས་ཅད་དངོས་གྲུབ་བྱེད་པར་བཤད། ཅེས་
བྱ་བ་ལ་འདིར་དོན་ནི་འདི་ཡིན་ཏེ། གནས་དང་ཉེ་བའི་གནས་ལ་སོགས་པར་
གནས་པའི་རྣལ་འབྱོར་མ་རྣམས་དངོས་གྲུབ་སྟེར་བར་འགྱུར་བ་སྟེ། ཙུམྦ་ན་དང་
འཁྱུད་པ་དག་ནི་འདོད་པའི་བསྟན་བཅོས་ལས་བཤད་པའི་རིམ་པས་བསྟན་[༡]ན་དེ་
ལ་ཕོ་ཉ་མོ་རྣམས་དངོས་གྲུབ་སྟེར་བར་འགྱུར་རོ་ཞེས་བྱ་བའི་དོན་ཏོ། བདེན་པ་
ཅན་ནི་ཀུན་ལ་སྦྱིན། ཞེས་བྱ་བ་ནི་དམ་ཆིག་དང་ལྡན་པའི་རྣལ་འབྱོར་མ་རྣམ་རྣམས་
མཐོང་ན་བཟའ་བ་དང་བཅའ་བ་དང་ལྷ་བཤོས་ལ་སོགས་པ་བརྡ་རྣམས་བསྟན་པ་ར་
བྱའོ་ཞེས་པའོ། མ་དང་སྲིང་མོ་བུ་མོ་དང་། ཆུང་མ་ཕོ་ཉ་མོར་གནས་ལ།
ཞེས་བྱ་བ་ནི་ཞིང་ལས་སྐྱེས་པ་དང་སྔགས་ལས་སྐྱེས་པ་དང་ལྷན་ཅིག་སྐྱེས་པ་ནི་མ་ལ་
སོགས་པ་སྟེ་སྤྱན་ལ་སོགས་པའི་ལྷ་མོ་རྣམས་ཡིན་ལ། དེ་རྣམས་རྣམ་པར་མི་
རྟོག་པའི་གཉིས་སུ་མེད་པའི་སྦྱོར་བས་སྙོམས་པར་འཇུག་པའི་མཆོད་པ་བྱ་བ་སྟེ།
གསང་བ་འདུས་པ་ལས། མ་དང་སྲིང་[༢]མོ་བུ་མོ་ལ། འདོད་པའི་སེམས་ཀྱིས་
9


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*