 |
 |
 |
 |
 |
 |
|
|
|
|
|
|
|
|
སྔར་གྱི་འདས་པའི་ལོ་རྒྱུས་རྙིང་པ་རྣམས་རྒྱབ་ཏུ་བསྐྱུར་ནས། ཕྱིན་ཆད་གཞོན་སྐྱེས་རྣམས་ནས་ད་ག་སྣང་ཕྱོགས་ ལྷུང་བྲལ་བ་ཞིག་བྱེད་ཐུབ་ན། གོང་ཞུས་ཀྱི་དགེ་མཚན་རྣམས་དང་། ལྷག་པར་སྟོན་མཆོག་ད་གྱེས་པའི་མཆོད་སྤྲིན་ རྒྱ་ཆེན་པོར་འགྱུར་ངེས་པས། ཕྱོགས་ལྷུང་མཚན་མོའི་མུན་རུམ་ནས་ཐོན་ཏེ། དག་སྣང་གི་སྐྱ་རེང་ས་ཤར་བ་ཞིག་ འོང་བར་རང་གཞན་ཀུན་གྱིས་ཅི་ནས་ཀྱང་འབད་པར་རིགས་སོ། །གང་ཟག་གཅིག་ལའང་ཚུལ་འདིའི་སྤང་བླང་ འཇུག་ལྡོག་གི་མིག་ཕྱེ ཐུབ་པ་བྱུང་ན་ངོས་ཀྱི་དེབ་འདི་བརྩམས་པའི་དགོས་པ་གྲུབ་པ་ཡིན། རིས་མེད་ཀྱི་བརྟུལ་ ཞུགས་བཟང་པོ་ལ་གནས་བཞིན་དུ་རང་ལུགས་གཏད་སོ་ཡོད་པ་བྱེད་རྒྱུ་ཡང་གལ་ཆེན་པོ་ཡིན། མདོར་ན་བོན་དང་བཅ་ས་པའི་བོད་ཀྱི་ཆོས་ལུགས་ཆེན་པོ་ལྔ་པོ་འདི་ཐམས་ཅད་ཀྱང་བོད་ཀྱི་ཐུན་མོང་མ་ཡིན་པའི་ རྩ་ཆེའི་ཁྱད་ནོར་ཡིན་པས་དེ་དག་ལས་ཆ་ཤས་གཅིག་ཙམ་ཡང་ཉམས་བརླགས་སུ་སོང་ན་ཆེས་ཕང་ས་པས། ཁྱིམ་ ཚང་གཅིག་གི་ཁྱད་ནོར་ལྟར་གཅེས་སྤྲས་དང་སྲུང་སྐྱོབ་བྱེད་རྒྱུ་ཤིན་ཏུ་གལ་ཆེ་བར་སྣང་ངོ་། ། ཕྱོགས་ལྷུང་ཅ་ན་དང་འགྲོགས་འདྲིས་མ་ང་ན། སྙིང་ན། སྟོད་འཚང་། སེམས་མི་སྐྱིད། དགེ་རྩ་དཀྲུག་པ་སོགས་ ལུང་རིགས་ཀྱིས་བསྒྲུབ་མི་དགོས་པར་མོང་བས་གྲུབ་པས། རང་གིས་རང་ལ་གཅེས་པ་དག་གིས་དེ་ལྟ་བུའི་གྲོགས་ ངན་ཅི་ནས་ཀྱང་སྤང་བར་བྱའོ། །དབུ་མ་སྙིང་པོ་ལས་ཀྱང་། ཕྱོགས་སུ་ལྷུང་བས་སེམས་གདུངས་པས། །ཞི་བ་ནམ་ ཡང་རྟོགས་མི་འགྱུར། །ཞེས་གསུངས་པ་ལྟར་རོ། ། སྨྲས་པ། རང་གཞན་ཕུང་ལ་སྦྱོར་བའི་བློ་ངན་འདི། །འདི་དང་ཕྱི་མ་གཉིས་ཀར་གནོད་ཆབས་ཆེ།། ཆེ་དགུས་འདི་ཀོ་སྤོངས་ཞེས་ཡང་ཡང་གདམས། །གད་མས་པ་ཉམས་སུ་ལེན་པའི་དུས་ལ་བབ།། ཅེས་ཀྱང་བྱའོ། ། བོད་ཀྱི་ཆོས་བརྒྱུད་གྲུབ་མཐའ་ཐམས་ཅ་ད་། སྟོན་པ་གཅིག་གིས་གསུངས། པཎ་གྲུབ་ཀྱིས་བཀྲལ། ཆད་ལྡན་གྱི་ལོ་ཙཱ་ བ་ཆེན་པོ་རྣམས་ཀྱིས་བསྒུར། མཁས་པའི་དབང་པོ་རྣམས་ཀྱིས་གཏན་ལ་ཕབ། གྲུབ་ཐོབ་དང་རྣལ་འབྱོར་པ་ཆེན་ པོ་རྣམས་ཀྱིས་ཉམས་མོང་ཆད་མས་གྲུབ་པ་ཤ་སྟག་ཡིན་པས། ཀུན་ལ་ཡིད་ཆེས་པར་བྱོས་ཤིག ། * * * * * * * * * * * * * * * * * * * * * * * * * |
