གབ་ཚིག་བཅུ་པ།



བསྟན་འཛིན་རྡོ་རྗེ།



༡༽བྱུ་རུ་དམར་པོའི་སྒམ་གྱི་ནང་།གསེར་ཊམ་གྲངས་མེད་ཡོད་པ་ཡི།དངོས་པོ་དེ་ནི་ཅི་ཞིག་ཡིན།༢༽ཙནྡ་སྡོང་པོའི་ཀ་བ་ལ།མེ་ཏོག་དམར་པོའི་ཏོག་མཛེས་པར།གཡུ་འབྲུག་སྔོན་པོས་ལྡིང་འཁོར་བྱེད།དངོས་པོ་དེ་ནི་ཅི་ཞིག་ཡིན།༣༽མི་རྣམས་ཐམས་ཅད་ཀུན་ལ་ཡོད།གཞན་ལ་བཤད་ན་མེད་པར་འགྱུར།དངོས་པོ་དེ་ལ་ཅི་ཞིག་ཟེར།༤༽རྟག་ཏུ་མི་སྡོད་འགྲོ་རྒྱུར་དགའ།ཡར་འགྲོ་མ་གཏོགས་མར་འགྲོ་ཙམ།ནམ་ཡང་མི་བྱེད་དངོས་པོ་དེ།གང་ཞིག་ཡིན་ནམ་དྲ་གྲོགས་ཚོ།༥༽འཛིན་ཡས་མེད་ལ་མཐོང་ཡས་མེད།ཁ་དོག་མེད་ལ་གཟུགས་ཀྱང་མེད།སྲོག་ཆགས་རྩི་ཤིང་ཚང་མར་མཁོ།དངོས་པོ་དེ་ནི་གང་ཞིག་ཡིན།༦༽སྡོད་པའི་དུས་སུ་ཞྭ་མོ་གྱོན།འགྲོ་བའི་དུས་སུ་ཞྭ་མོ་ཕུད།དངོས་པོ་དེ་ནི་ཅི་ཞིག་ཡིན།༧༽ཕ་གཉིས་བུ་གཉིས་ཕྱི་རོལ་ཕྱིན།རེ་རེས་ཉ་རེ་བཟུང་ནས་ཡོང་།འོན་ཀྱང་ཉ་ནི་གསུམ་ལས་མེད།དེ་ཡིས་རྒྱུ་མཚན་གང་ཞིག་ཡིན།༨༽སྟེང་ཕྱོགས་ལྷ་ཡུལ་འཁོར་ལོ་བསྐོར།བར་གྱི་མི་ཡུལ་རྟ་རེ་རྒྱུགས།འོག་ཕྱོགས་ཀླུ་ཡུལ་བྲོ་གར་འཁྲབ།དངོས་པོ་དེ་ནི་ཅི་ཞིག་ཡིན།༩༽དང་པོ་ནག་རིལ་སྲན་མ་འདྲ།བར་དུ་དམར་རིལ་བྱུ་རུ་འདྲ།ཐ་མ་དཀར་རིལ་གང་ཞིག་ཡིན།༡༠༽རི་རྒྱལ་ལྷུན་པོའི་ངོས་གཟར་ནས།ཟངས་ཀྱི་ལྷ་མོ་སྤུན་བཞི་འཁྲུངས།ཕྱོགས་བཅུ་བོད་ཀྱི་བཀའ་དྲིན་ལ།དུང་གི་བདུད་རྩི་ཆར་བཞིན་བབས།

དེ་ནི་ཅི་ཞིག་ཡིན་པར་འདོད།