www.dharmabook.ru tibetan OCR



འགྱུར་བས། ཚེ་འདི་ཉིད་ལ་བྱང་ཆུབ་དམ་པ་སངས་རྒྱས་ཀྱི་དེ་ཁོ་ན་ཉིད་རྡོ་རྗེ་
འཛིན་པ་ཉིད་དུ་འགྲོ་བའོ། དེ་དོན་ཞེས་པ་ནི་གང་གི་ཚེ་[༡]བརྩོན་འགྲུས་དམན་
པར་གྱུར་པ་བླ་ན་མེད་པའི་ཡེ་ཤེས་མ་ཐོབ་ཀྱི་བར་དུ་ཡང་རྣལ་འབྱོར་པ་ཇི་ལྟར་
འདོད་པའི་དོན་རྣམས་ནོར་སྦྱིན་ལྟ་བུར་འབྱོར་པར་འགྱུར་རོ། འདི་དག་ནི་
དཔལ་ཧེ་རུ་ཀ་[༢]བདེ་མཆོག་གི་འགྲེལ་པ་སྒྲུབ་ཐབས་རྣམས་ཀྱི་གནས་ཞེས་བྱ་བ་ལས་
ལེའུ་ཉི་ཤུ་རྩ་བརྒྱད་པའི་རྣམ་པར་བཤད་པའོ།
དེ་ནས་ཞེས་གསུངས་པ་ནི་དེ་མ་ཐག་པའོ། གཞན་ཡང་ཞེས་པ་ནི་ཕོ་ཉ་
མོའི་ཁྱད་པར་གྱི་མཚན་ཉིད་དོ། བསྟན་ཞེས་པ་ནི་སྔོན་དུ་བསྟན་པ་ལས་གཞན་
དུའོ༑ དེའི་ཕྱིར་ན་དེ་དག་ཤེས་པར་བྱ་བ་དང་། གཞན་ཡང་ཞེས་པ་འདིར་
འབྲེལ་ཏོ། གང་ཞིག་ཅེས་པ་ནི་ཕོ་ཉ་མའི་མཚན་ཉིད་དོ། ཤེས་པ་ཞེས་པ་ནི་
རྣལ་འབྱོར་པོའོ། ཇི་ལྟ་བུ་ཞེ་ན། དམ་ཚིག་ལ་གནས་མཁའ་འགྲོ་མ་ར། ཞེས་
པ་གསུངས་ཏེ། དམ་ཚིག་ནི་སྒྲུབ་པ་པོ་རྣམས་ལ་ཕན་པས་ངེས་པར་གནས་པ་དེ་
ལས་འདའ་བར་མི་བྱ་བའི་དོན་ཏོ། གནས་ཞེས་པ་ནི་གང་རྙེད་པ་དང་ང་ངོ་། ཇི་
ལྟར་གནས་ཤེ་ན། ཕའམ་ཡང་ན་མ་དང་ནི། ཞེས་པ་གསུངས་ཏེ། ཕ་དང་
མ་ཞེས་པའི་སྒྲ་ནི་ཤིན་ཏུ་སྡུག་པའི་སེམས་ཀྱིས་ལྷན་ཅིག་ཏུ་སྤྱོད་པར་རྗེས་སུ་འཇུག་
པའོ༑ གང་ལ་ཞེ་ན། བདག་པོ་ཉིད་ཅེས་པ་གསུངས་ཏེ། རྣལ་འབྱོར་པ་ཡེ་
ཤེས་ཐོབ་པ་ལའོ། སྐད་ཅིག་མཐོང་ཞེས་པ་ནི། གཉིས་སུ་མེད་པར་ཞུགས་པ་
དག་གིས་དེའི་བདག་ཉིད་རྫོགས་པ་ཅན་ལ་སྟེ། སོ་སོར་རིག་པའི་བདག་ཉིད་ཀྱི་
རང་བཞིན་འདི་དག་ཇི་སྲིད་པའོ། དེ་བཞིན་དུ་ཡང་གསུངས་པ། ཇི་ལྟར་ཕ་
ལས་བདེ་ཐོབ་པ། བདེ་བ་དེ་ལ་རང་ཉིད་སྤྱོད། གང་ཞིག་ཤི་བའི་བདེ་བ་
939

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*