www.dharmabook.ru tibetan OCR



སྐབས་ཡིན་པའི་ཕྱིར་རོ། དེ་ལ་འདིའི་དོན་ནི་འཇིགས་བྱེད་ཆེན་པོ་ནི་བཅོམ་ལྡན་
འདས་ཏེ། དེ་ལ་མངོན་དུ་ཕྱོགས་པ་ནི་སྐུ་དང་གསུང་དང་ཐུགས་ཀྱིས་འཁྱུད་པའོ།
ལའི་སྒྲས་ནི་དེ་ཉིད་ཀྱི་དོན་ངེས་པར་གཟུང་བའོ། ལྷག་མ་ནི་གོ་སླའོ། དེ་ལ་
བུམ་པ་ཞེས་བྱ་བ་ལ་སོགས་པས། བུམ་པའི་མཚན་ཉིད་ཕྱོགས་གཅིག་ཉེ་བར་
མཚོན་པ་ཙམ་སྟོན་ཏེ། ནག་པོ་མེད་པ་དང་ལྟོ་བ་ཆེ་ཞིང་འཕྱང་བ་དང་སྐེ་རིང་བ་
ལ་སོགས་པའི་མཚན་ཉིད་དང་ལྡན་པའོ། མུ་ཏིག་ཅེས་བྱ་བ་ལ་སོགས་པ་ནི་རིན་
པོ་ཆེ་སྣ་ལྔ་སྟོན་པའོ། ཟངས་མ་ཞེས་པ་ནི་བུམ་པ་ལ་སོགས་པའི་ཁྱད་པར་རོ།
ལྷག་མ་ནི་གོ་སླའོ། མ་རྙེད་ན་བུམ་པ་དགུའོ། རྙེད་ན་བུམ་པ་ཉི་ཤུ་རྩ་ལྔ་དང་
ལཱ་མ་ལ་སོགས་པའི་བུམ་པ་བཞི་དང་ཁྭ་གདོང་མ་ལ་སོགས་པའི་བུམ་པ་བརྒྱད་དང་
ལས་ཐམས་ཅད་པ་དང་རྣམ་པར་རྒྱལ་བའི་བུམ་པའོ། ཡང་ན་བསྡུས་ན་ནི་བཞི་
བཅུ་ཐམ་པ་ཡིན་ན་ནོ། ལྷག་མ་ནི་གསལ་ལ་ལོ། བརྒྱན་པར་བྱ་ཞེས་བྱ་བ་ལ་སོགས་
པ་ལ། ཇི་ལྟར་རྙེད་པའི་རིན་པོ་ཆེ་ས་དཀྱིལ་འཁོར་ལ་ཇི་ལྟར་མཛེས་པར་དགྲམ་
པར་བྱའོ་ཞེས་འདིའི་དོན་ཏོ། གྲོང་མཆོག་ཡིད་འོང་མཆོད་གནས་ནི། འགྲུབ་
པ་ཉིད་དུ་ཐེ་ཚོམ་མེད། ཅེས་པ་ནི་གོ་སླའོ། བདག་ཉིད་ཀུན་ནས་སྒོ་ཡིས་ནི།
དྲི་ཡི་ཆུ་ཡིས་ལེགས་པར་གདབ། ཅེས་པ་ནི་སྔགས་ཀྱིས་གཙང་བར་བྱས་པའི་དྲི་
དང་བཅས་པ་གཏོར་བ་སྟེ། རྡོ་རྗེའི་ཆུས་ཡང་དག་པར་གཏོར་རོ་ཞེས་བྱ་པའི་དོན་
ཏོ༑ བདག་ཉིད་ཀུན་ནས་སྒོ་ཡིས་ནི། ཞེས་བྱ་བ་ཁྱད་པར་དུ་བྱེད་ད་དེ།
དཔལ་ཧེ་རུ་ཀའི་བདག་ཉིད་གང་ཡིན་པའི་བཅོམ་ལྡན་འདས་ཀྱི་ཞལ་བཞི་ཉིད་ཡིན་
པའི་ཕྱིར་རོ། མར་མེ་བརྒྱ་ནི་དབུལ་བར་བྱ། ཞེས་བྱ་བ་ནི་དོན་ཅི་ལྟ་བ་དེ་[༢]
ཉིད་དོ། ཡང་ན་རྣམ་པ་སྣ་ཚོགས་པའི་བདག་ཉིད་ཀྱི་ཁྱད་པར་དུ་བརྗོད་ད་དོ།
གཞན་ན་སྒྲོན་མ་ལྔ་གང་ཡིན་པས་རྔ་མོ་དང་རྟ་ལ་སོགས་པའི་ཤ་ཡང་གཟུང་བ་ཉིད་
940

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*