www.dharmabook.ru tibetan OCR



མགོ་བོ་དང་དཔྲལ་བ་དང་། མིག་གཉིས་དང་། ཁ་དང་། མཀྲིན་པ་དང་།
སྙིང་ག་སྟེ་གནས་བདུན་དུ་རྡོ་རྗེ་དང་པདྨ་ལས་བྱུང་བའི་དབང་བསྐུར་བ་སྦྱིན་ན་ནོ།
སློབ་མས་ཀྱང་ཁ་རུ་བྱིན་པ་དེ་བདུད་རྩི་བཞིན་དུ་མྱང་བར་བྱའོ། དེ་ནས་གདོང་
ཕྱེ་ད་ཀྱིལ་འཁོར་བསྟན། གང་གི་ལྷ་ཡི་གནས་གང་ཡིན། ཞེས་པ་ནི་གསང་བའི་
དབང་གི་གནས་དེ་དང་དེ་བསྟན་པར་བྱའོ། དབང་བསྐུར་བའི་དུས་སུ་ཕྱི་རོལ་གྱི་
ཡན་ལག་ཅན་པསྟན་པར་བྱ་བ་ནི་དོན་དམ་པའི་དོན་ཏོ། ཡང་དག་ཅེས་པ་ནི་
རྟོག་པ་མེད་པའི་སེམས་ས་སོ། དེ་ནས་སློབ་མས་ཀྱང་ཡང་དེ་བཞིན་དུ་བརྩམ་པར་
བྱ་བ་ཉིད་ཀྱི་ཕྱིར་རོ། དེ་ནས་སློབ་དཔོན་མཉམ་གཞག་ལ། རབ་ཏུ་གདུང་བ་
བྱས་ནས་ནི། གཡོན་ནས་བརྩམས་པའི་རིམ་པ་ཡིས། དེ་ལ་བསྐོར་བ་རབ་ཏུ་
བྱ༑ དཀྱིལ་འཁོར་དང་ནི་བླ་མ་ལ། ཅི་བཞིན་ཆོ་གས་ཕྱག་བྱའོ། ཞེས་པ་
ནི་ཇི་ལྟར་བླ་མས་སློབ་མ་ལ་གསང་བའི་དབང་བྱིན་པ་དེ་ལྟ་བུའི་ཆོ་གས་བརྩམས་ཏེ།
སློབ་མས་བླ་མ་ལ་ཕྱག་བྱས་ནས་དེ་ཉིད་དང་ལྷན་ཅིག་ཏུ་ཞེས་དགོངས་སོ། ལྷག་
མ་ནི་གོ་སླའོ། རྩེས་དང་བལྟ་བ་ཞེས་བྱ་བས་ནི་གསང་བའི་དབང་བསྟན་ཏོ།
ལག་བཅངས་འཁྱུད་དང་ཞེས་པས་ནི་ཤེས་རབ་ཡེ་ཤེས་ཀྱི་དབང་བསྟན་ཏོ།
གཉིས་གཉིས་སྤྲོད་ཅེས་བྱ་བས་ནི་དབང་བཞི་པ་ལ་གསལ་བར་བྱས་པའོ། སློབ་
དཔོན་གྱི་དབང་ངམ། ཡང་ན་ནི་བུམ་པའི་དབང་དང་། དབང་གཞན་གྱི་ཁྱད་
པར་ཡང་བསྟན་པའོ། འདི་རྣམས་ཀྱི་དོན་བདག་གིས་བཤད་པ་ནི་བླ་མའི་མན་
ངག་དྲན་པར་བྱ་བའི་དོན་དུ་དབང་བསྐུར་བ་ལེགས་པར་རྟོགས་པར་བྱས་པའོ།
བཤད་དང་མ་བཤད་གང་ཅི་འང་རུང་། དེ་ཀུན་དཔལ་ལྡན་ཁྲག་འཐུང་གནས།
ཞེས་པ་ནི་ཐབས་གཞན་གྱིས་མ་བཤད་ཅིང་མ་བསྟན་ཏེ། མཆོག་དང་འབྲིང་དང་ཐ་
མའི་སློབ་མ་ལ་སོགས་པའི་ངོ་བོ་ཉིད་ལ་བཤད་ཅིང་བསྟན་པ་གང་ཅུང་ཟད་ཡིན་པ་
943

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*