www.dharmabook.ru tibetan OCR



འགྲོ་མའི་རང་བཞིན་ནོ་ཞེས་དགོངས་པའོ། མན་ངག་གི་རིམ་པ་ནི་འདི་ཡིན་ཏེ།
གོ་རིམས་[༡]ཇི་ལྟ་བ་བཞིན་དུ་དཔལ་འཁོར་ལོ་སྡོམ་པའི་སྐུ་[༢]ཡོངས་སུ་གྱུར་པ་དེའི་
བདག་ཉིད་ཀྱི་སྙིང་གར་སྐད་ཅིག་གིས་གཞལ་ཡས་ཁང་རྣམ་པར་གཞག་[༢]པར་བྱའོ།
དེའི་དབུས་སུ་འཁོར་ལོ་རྩིབས་བརྒྱད་པའོ། དེའི་ལྟེ་བ་ལ་སྣ་ཚོགས་པདྨ་བསྒོམ་
པར་བྱའོ། དེ་ནས་དེའི་ལྟེ་བ་ལ་ཟླ་བ་དང་ཉི་མའི་དཀྱིལ་དུ་གནས་པའི་ཡི་གེ་ཧཱུཾཾ་
ཡོངས་སུ་གྱུར་པ་ལས་ཞལ་བརྒྱད་པ་ཕྱག་བཅུ་དྲུག་པའོ། དེ་ལ་གནས་པའི་ཡི་གེ་
ཧྲཱིཿཿཧཱུཾཾ་ཡོངས་སུ་གྱུར་པ་ལས་བྱུང་བའི་རྡོ་རྗེ་ཕག་མོ་ལས་བྱུང་བ་སྐུ་མདོག་སྔོན་པོ་ཐོད་
པའི་ཕྲེང་བས་རྣམ་པར་བརྒྱན་པའི་སྐུ་ཕྱག་རྒྱ་དྲུག་དང་ལྡན་པའོ། སྤྱི་བོར་སྣ་
ཚོགས་རྡོ་རྗེས་མཚན་པ་རལ་བའི་ཅོད་པན་ལ་གནས་པའི་ཟླ་བ་ཕྱེད་པས་མཛེས་པ།
གཡས་བརྐྱང་བས་འཇིགས་པར་བྱེད་པ་དང་། དུས་མཚན་མནན་པ། དྲག་པོ་
ཆེན་པོ་གཡས་དང་གཡོན་པའི་ཕྱག་གི་གཙོ་བོ་དག་གིས་རྡོ་རྗེ་དང་དྲིལ་བུ་བསྣམས་
པ༑ རྡོ་རྗེ་ཕག་མོ་ལ་འཁྱུད་པ་དཔལ་བདེ་མཆོག་འཁོར་ལོའི་ཐུགས་ཀར་བྱུང་བའི་
བཅོམ་ལྡན་འདས་ཀྱི་ཞལ་དང་པོ་སྔོན་པོ། གཡོན་དམར་བ། གཡས་དཀར་
པོའོ༑ དེ་བཞིན་དུ་གཡོན་སྐོར་གྱིས་སེར་པོ་དང་ལྗང་གུ་དང་། དུ་བ་དང་སྔོ་
བསངས་དང་། ཐལ་སྐྱ་སྟེ་ཞལ་གཞན་རྣམས་ས་སོ། གཡོན་དང་གཡས་པའི་ཕྱག་
གཉིས་ཀྱིས་ཚངས་པའི་པགས་པ་པ་ཤུས་ནས་རྒྱབ་[༤]ཏུ་ཕྱར་ཏེ་བསྣམས་པའོ། རྩེ་
གསུམ་པ་དང་། དགྲ་སྟ་དང་། རལ་གྲི་དང་། ཅང་ཏེའུ་དང་། གྲི་གུག་
དང་། ལྕགས་ཀྱུ་རྣམས་གཡས་ཀྱི་ཕྱག་དྲུག་ན་བསྣམས་པའོ། དེ་བཞིན་དུ་
གཡོན་གྱི་ཕྱག་དྲུག་ན་རིམ་པ་ཇི་ལྟ་བར། ཐོད་པ་དང་། ཁ་ཊྭཱཾ་ག་དང་། མགོ་
བོ་དང་། ཞགས་པ་དང་། ཐོ་བ་དང་། སྡིགས་[༥]མཛུབ་རྣམས་བསྣམས་པར་
བསྒོམ་པར་བྱའོ། དེ་བཞིན་དུ་བཅོམ་ལྡན་འདས་མ་ནི་སྐྲ་གྲོལ་བ་མདོག་[༦]དམར་
90

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*