www.dharmabook.ru tibetan OCR



ཡོན་གྱི་མཆོག་ནི་དབུལ་བར་བྱ། ཞེས་པས་ཡོན་གསུངས་པ། ཀྱེ་རྡོ་རྗེ་ལ་དཀྱིལ་
འཁོར་མཆོག དེ་བཞིན་མེ་ལོང་རྟག་པ་ལ། བཟ་ང་པོའི་གོས་ནི་རྟ་མགྲིན་
ལའོ༑ རྡོ་རྗེ་ཉི་མར་[༡]གསེར་མཆོག་དང་། རྟ་མཆོག་ལ་ཡང་རྟ་ཉིད་ད་དེ།
རྟག་ཏུ་ཡོན་གྱི་མཆོག་ཡིན་ནོ། ཞེས་མཁའ་འགྲོ་མ་རྡོ་རྗེ་གུར་གྱི་རྒྱུད་དུའོ།
རིན་ཆེན་ལྕགས་ཟངས་བ་ལང་རྟ། གླང་ཆེན་བུ་མོ་ནོར་འཛིན་བྲལ། བྲན་མོ་
འདོད་པའི་ཆུང་མ་སོགས། རྣ་རྒྱན་གདུ་བུ་ལ་སོགས་པ། བདག་ཉིད་དངོས་པོ་
ཀུན་གྱིས་ནི། བློ་དང་ལྡན་པས་དབུལ་བར་བྱ། དེ་ནས་བརྩམས་ཏེ་བྲན་དུ་
བདག བདག་གིས་བདག་ཉིད་ཡང་དག་དབུ་ལ། དཔལ་ལྡན་བླ་མ་ཁྱེད་ཞབས་
ཀྱི༑ ཡང་དག་རྫོགས་པའི་བྱང་ཆུབ་བརྙེས། དེ་བཞིན་དཔའ་དབང་མཁའ་
འགྲོ་མ། རྣལ་འབྱོར་མ་མོ་རྣམ་གཉིས་འགྱུར། དེ་ལྟར་རྣལ་འབྱོར་གྲུབ་གྱུར་
ན༑ འཇིག་རྟེན་གསུམ་དུ༐་མ་བཟློགས་སོ[༨]། ཞེས་པ་བླ་མ་མཉེས་པར་བྱེད་པ་
བརྗོད་པའོ། སྒྲ་ཇི་བཞིན་པོའོ། སྔགས་པ་དཀྱིལ་འཁོར་མ་མཐོང་བར།
གང་ཞིག་རྣལ་འབྱོར་པ་ཉིད་འདོད། མཁའ་ལ་ཁུ་ཚུར་གྱིས་བསྣུན་དང་། སྨིག་
རྒྱུའི་ཆུ་ནི་འཐུང་བར་བྱེད། གང་ཞིག་དཀྱིལ་འཁོར་འདི་དབང་བསྐུར། རྒྱུད་
རྣམས་ཐམས་ཅད་སྒྲུབ་པ་པོས། ལྷ་དང་ལྷ་མིན་མི་རྣམས་ནི། ཟིལ་གྱིས་གནོན་
པར་འགྱུར་བ་ཡིན། ཞེས་པ་དཀྱིལ་འཁོར་དུ་ཞུགས་པའི་ཕན་ཡོན་བརྗོད་པའོ།
དཀྱིལ་འཁོར་ཞེས་པ་ནི། མངོན་བརྗོད་དུ་གསུ་ངས་པའི་མཁའ་འགྲོ་ལྔའི་དཀྱིལ་
འཁོར་འདུས་པ་དང་མཚུངས་པར་རོ། སྒྲ་ཇི་བཞིན་པའོ། ཡང་དག་པར་
མཆོད་ནས། དེ་ནས་སློབ་དཔོན་[༤]ཕྱག་རྒྱ་མོ་དབུལ་བར་བྱའོ། དེས་དགོད་པའི་
དབང་བསྐུར་བ་སྦྱིན་པར་བླ་མ་ལ་བུས་གསོལ་བ་གདབ་པར་བྱའོ་ཞེས་པ་དབང་
མདོར་བསྟན་པ་སྟེ། ཕྱག་རྒྱ་མ་ལོ་བཅུ་གཉིས་མ་དང་པོར་བྱས་ནས། ཇི་སྲིད་
98

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*