བྱ༑ ཞེས་བྱ་བ་ནི་སྦྱོར་བའི་དོན་ཞེས་བྱ་བ་ཕྱག་རྒྱ་ཆེན་པོ་བསྒྲུབ་པར་བྱ་བའི་ཕྱིར་
གང་ཞིག་རབ་ཏུ་བསྒྲུབ་ཅིང་ལེགས་པར་བསྟན་པའི་ཚུལ་གྱིས་བསྒྲུབ་པར་བྱས་ན་དེ་
ལྷ་དང་ལྷ་མ་ཡིན་དང་མི་རྣམས་ཀྱང་ཚར་གཅད་[༡]པ་དང་། ཕན་གདགས་པའི་
ཚུལ་གྱིས་མྱུར་དུ་བསྒྲུབ་པར་བྱ་བ་ཡིན་ན། གཞན་དག་ལྟ་ཅི་སྨོས་ཏེ་ཞེས་བྱ་བར་
དགོངས་སོ། ལེའུ་སུམ་ཅུ་དྲུག་པའོ།
ད་ནི་དེ་ནས་ཞེས་བྱ་བ་ལ་སོགས་པས་དབང་དུ་བྱ་བ་ལ་སོགས་པའི་སྦྱོར་བ་
སྟོན་ཏེ། གཟུགས་ནི་ལུས་ཏེ་དེ་གནོན་པ་ནི་བུད་མེད་ལ་སོགས་པའི་སྐྱེ་བོ་སྟེ།
དེའི་ཆོ་ག་ནི་དབང་དུ་བྱ་བ་ཡིན་ལ། དེ་བཤད་པར་བྱའོ་ཞེས་བྱ་བར་སྦྱར་ར་རོ།
ཕན་ཚུན་སྦྱར་བའི་གསང་སྔགས་དང་། ཞེས་བྱ་བ་ནི་གཉི་གའི་རྩ་བའི་སྔགས་
གཅིག་ཏུ་བྱ་བའོ། མཁའ་འགྲོ་མ་དང་གཅིག་ཏུ་སྦྱར། ཞེས་བྱ་བ་ནི་དོན་དེ་
ཉིད་གསལ་བར་བྱ་བ་ཡིན་ནོ། དེ་ལ་དོན་ནི་འདི་ཡིན་ཏེ། ཟོས་པ་གང་ཡིན་པ་
དེ་སློན་ཏེ། ལེགས་པར་བཀྲུས་ལ་ཡན་ལག་ལྔའི་དྲི་མ་དང་བཅས་པས་ག་བུ་ར་མ་
ཚོས་པ་དང་བསྲེས་ཏེ། གཉིས་ཀའི་རྩ་བའི་སྔགས་ཞག་བདུན་གྱི་བར་དུ་ཐུན་
བཞིར་བྱས་ལ། དེའི་འོག་ཏུ་བཟའ་བ་དང་བཏུང་བ་ལ་སོགས་པ་[༢]སྦྱར་ན་ཇི་སྐད་
བཤད་པ་བཞིན་དུ་དབང་དུ་འགྱུར་བར་གདོན་མི་ཟའོ། སེར་སྐྱ་ཞེས་བྱ་བ་ནི་ཁ་
དོག་སེར་སྐྱར་འདུག་པའོ། ལྷག་མ་ནི་གོ་སླའོ། ཏིལ་ནག་ཅེས་བྱ་བ་ལ་སོགས་
པ་ཡང་གོ་བར་ཟད་དོ། བ་ལང་ཞེས་བྱ་བ་ལ་སོགས་པ་ལ་དབང་དུ་བྱ་བའི་ཐབས་
ལས་ཐམས་ཅད་པའི་ཐབ་ཁུང་དུ་གང་གི་མིང་ནས་སྨོས་ཏེ། ཇི་སྐད་བཤད་པའི་
སྦྱིན་སྲེག་བྱས་ན་དཔའ་བོ་ལ་སོགས་པའི་ལྷ་རྣམས་དབང་དུ་འགྱུར་ལ་དེ་ལྟར་མ་
ཡིན་ན་ཇི་སྐད་བཤད་པ་བཞིན་དུ་འགྱུར་རོ། དེའི་མདུན་དུ་ཞེས་བྱ་བ་ནི་དཔལ་
912


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*