ཤེས་དེར་ནི་བསྟན་མི་བྱ། ཞེས་པ་ནི། གལ་ཏེ་འཇིག་རྟེན་འདིའི་སྤུན་དང་བུ་
ལ་སོགས་པ་ཉིད་དང་ལྷན་ཅིག་ཏུ་ཕྱག་རྒྱ་ཆེན་པོ་ལ་སོགས་པའི་ཡེ་ཤེས་རྒྱུད་ལས་
གསུངས་པ་ཉིད་བསྟན་པར་མི་བྱའོ་ཞེས་པའི་དོན་ཏོ། ལྷད་འཇུག་ཅིང་ཐམས་
ཅད་ལ་སྨོད་པ་མ་ཡིན་པ་དང་ཙཱ་རུའི་བཟའ་བ་དང་བཏུང་བ་རྣམ་པ་སྣ་ཚོགས་པ་
དམ་ཚིག་གི་སྤྱིོད་པ་རྟག་ཏུ་བྱའོ། གདུག་པ་ཅན་ཐམས་ཅད་མནན་ཅིང་སྨད་ནས་
ཅཱ་རུའི་བཟའ་བ་དང་བཏུང་བ་དག་བྱེད་ཀྱི་དམ་ཚིག་སྤྱད་པར་བྱ་ཞིང་རྟག་ཏུ་སྤྱད་
ཅེས་པའི་དོན་ཏོ། འདིས་ཅཱ་རུའི་བཟའ་བས་དམ་ཚིག་གི་སྤྱོད་པ་བྱས་པ་ཡིན་ཏེ་
དེས་དག་པར་བྱས་པའི་རྣལ་འབྱོར་པ་ཡིན་ནོ་ཞེས་པའི་དོན་ཏོ། ཡང་ན་གཞུང་
གཞན་དུ་གང་ཡིན་པའི་དོན་དེ་ཉིད་ཅེས་པའི་དོན་ཏོ། གསང་སྔགས་སུ་ལའང་
སྦྱིན་མི་བྱ། ཞེས་པ་ནི་གོ་སླའོ། ཕོ་ཉ་མོ་ཞེ་ན་རྟག་ཐར་པ། ཞེས་པ་ནི།
བདེ་བ་བྱེད་པའི་གནས་སྐབས་སུ་ཕྱི་རོལ་གྱི་ཡན་ལག་ལ་གོ་ཆ་ཀུན་ལ་སོགས་པས་གོ་
བགོ་བར་བྱའོ་ཞེས་པའི་དོན་ཏོ། འདའ་བ་ཡིས་ཀྱང་ལོངས་སྤྱོད་བྱ། ཞེས་པ་
ནི་གང་ཡང་ཤིན་ཏུ་ལེགས་པར་བསླབས་ཤིང་སྐལ་བ་དང་ལྡན་པའི་བཟང་པོའི་ཡན་
ལག་ལ་དེར་འདུས་བྱས་ལ་ལོངས་སྤྱད་པར་བྱའོ་ཞེས་པའི་དོན་ཏོ། སྐྱེ་གནས་
དམན་ལ་མི་གནས་ལ། བསྙེན་བཀུར་ཉིད་ནི་བྱ་བ་མིན། ཞེས་པ་ལ། སྐྱེ་
གནས་དམན་པ་ནི་བྲམ་ཟེ་ལ་སོགས་པའི་རིགས་མི་གཟུང་[༡]བའོ། འོན་ཀྱང་
མཆོག་གི་རྣལ་འབྱོར་གྱི་སྣོད་མ་ཡིན་པ་ཉིད་ཀྱི་ཕྱིར་རོ། དེའི་ཕྱིར་དེ་ལ་གུས་པར་
མི་བྱའོ། ཡང་ན་སྐྱེ་གནས་དམན་པ་ནི་བྲམ་ཟེ་ལ་སོགས་པའི་རིགས་ལྔ་ལས་བྱུང་
བ་དེ་བཞིན་གཤེགས་པའི་བརྡའི་ཆིག་གི་རྣམ་པར་གནས་པའི་ཕྱི་རོལ་གྱི་ཡན་ལག་སྐྱེ་
གནས་དམན་པ་དེ་ལ་མ་རིག་པས་བརྟགས་པས་ཆེ་བ་ཉིད་ཀྱི་ཕྱིར་དེ་ལ་གུས་པར་མི་
བྱའོ་ཞེས་པའི་དོན་ཏོ། འདིས་ནི་ཕྱི་རོལ་གྱི་ཡན་ལག་རིགས་དང་ལྡན་པའམ་
9177


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*