གསུངས་ཏེ། རྡོ་རྗེ་སེམས་དཔའ་དེའི་སྙིང་གར་ཞེས་པ་ནི་རྡོ་རྗེ་སེམས་དཔའ་ལྷག་
པར་མོས་པར་བྱའོ། དེ་ལྟར་གཞན་ལ་ཡང་གོ་བར་བྱའོ། དེ་ལྟར་རེ་ཞིག་ཡི་
གེའི་སྒོ་ནས་གོ་ཆ་བསྟན་ཏོ། གང་ཡང་སྒོམ་པ་པོ་ལ་ལྟོས་[༡]ནས་ལྷ་དགོད་ཅིང་བྲི་
བ་ནི་སྙིང་གར་ཡི་གེ་ཧ་དང་རྡོ་རྗེ་ཡོངས་སུ་གྱུར་པ་ལས་རྡོ་རྗེ་སེམས་དཔའ་སྐུ་མདོག་
དཀར་པོ་ཞལ་གཅིག་ཕྱག་བཞི་པ། གཡས་ཀྱི་ཕྱག་གཉིས་ན་རྡོ་རྗེ་དང་ཅང་ཏེའུ།
གཡོན་གྱི་ཕྱག་ན་ཁ་ཊྭཱཾ་ག་དང་ཐོད་པ་དང་གྲི་གུག་བསྣམས་པ་ཕག་མོ༐་དམར་མོ་[༢]ལ་
འཁྱུད་པའོ། མགོབོ་ལ་ཡི་གེ་ཧི་དང་འཁོར་ལོ་ཡོངས་སུ་གྱུར་པ་ལས་རྣམ་པར་
རྣམ་པར་སྣང་མཛད་སེར་པོ་ཞལ་གཅིག་ཕྱག་བཞི་པ་གཡས་ན་འཁོར་ལོ་ཕྱག་གཞན་
གསུམ་ན་སྔར་བ་སྟན་པའི་ཕྱག་མཚན་བསྣམས་པ་གཤིན་རྗེ་མ་སྔོན་མོ་ལ་འཁྱུད་པའོ།
སྤྱི་གཙུག་ཏུ་ཡི་གེ་ཧུ་དང་པདྨ་ཡོངས་སུ་གྱུར་པ་ལས་པདྨ་གར་གྱི་དབང་ཕྱུག་དམར་
པོ་ཞལ་གཅིག་ཕྱག་བཞི་པ་རྨོངས་བྱེད་མ་དཀར་མོའི་མགྲིན་པ་ནས་འཁྱུད་པ།
ཕྱག་བཞི་པ་གཡས་པ་ན་པདྨ། གཞན་རྣམས་ཀྱི་ཕྱག་མཚན་སྔར་གྱི་བཞིན་ན་ནོ།
ཕྲག་པ་གཉིས་ལ་ཡི་གེ་ཧེ་དང་རྡོ་རྗེ་ཡོངས་སུ་གྱུར་པ་ལས་ཧེ་རུ་ཀ་སྔོན་པོ་ཞལ་གཅིག་
པ༑ སྐྱོད་བྱེད་མ་སེར་མོའི་མགྲིན་པ་ནས་འཁྱུད་པ། ཕྱག་བཞི་པ་ཕྱག་རྣམས་ན་
རྡོ་རྗེ་སེམས་དཔའི་མཚན་མའོ། མིག་དག་ལ་ཡི་གེ་ཧོ་དང་རིན་པོ་ཆེ་ཡོངས་སུ་
གྱུར་པ་ལས། རྡོ་རྗེ་ཉི་མ་གསེར་བཙོ་མ་ལྟ་བུ་ཞལ་གཅིག་པ། སྐྲག་བྱེད་མ་སེར་
མོ་ལ་འཁྱུད་པ་ཕྱག་བཞི་པ་གཡས་[༢]ན་རིན་པོ་ཆེ་བསྣམས་པ། ཕྱག༐་བཞི་ན་[༤]་
གསུམ་པོ་སྔར་གྱི་བཞིན་ན་ནོ། དཔྲལ་པར་ཡི་གེ་ཧཾཾ་དང་སྣ་ཚོགས་རྡོ་རྗེ་ཡོངས་སུ་
གྱུར་པ་ལས་རྟ་མཆོག་རྡོ་རྗེ་ལྗང་གུའི་མདོག་ཅན་ཞལ་གཅིག་པ། གཏུམ་བྱེད་མ་དམ་དུ་
བའི་མདོག་ཅན་མ་ལ་འཁྱུད་པ། ཕྱག་བཞི་པ་གཡས་ན་སྣ་ཚོགས་རྡོ་རྗེ་ཕྱག་ག་གཞན་
གསུམ་པོ་རྣམས་སྔར་བསྟན་པ་བཞིན་ནོ། བསྒོམ་པར་བྱ་བ་འདི་རྣམས་ཀུན་རྒྱན་
9དཱ་48


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*