དེ་ནས་ཕོ་ཉ་ཞེས་བྱ་བ་ལ་སོགས་པ་ནི་ཕོ་ཉ་ནི་རྣལ་འབྱོར་མ་དྲུག་གོ།
འདིར་སྔགས་དང་ལྷ་ཐ་མི་དད་པའི་ཕྱིར་ན་[༡]ཕོ་ཉ་མོའི་གོ་ཆའི་སྔགས་མོཚོན་ཅིང་
བསྟན་ཏོ། བསྡུས་ལྡན་ཞེས་པ་ནི་ཆོ་ག་ཇི་ལྟ་བ་བཞིན་དུ་ཡང་དག་པར་བྲིས་པའོ།
ཡི་གེ་བདུན་པར་ལྡན་འགྲུབ་པ། ཞེས་པ་ནི་ཉེ་བའི་སྙིང་པོའི་སྔགས་ཀྱང་ངོ་།
གང་ཞིག་ཅེས་པ་ནི་བསྒྲུབ་པར་བྱ་བ་གང་ལའོ། ལས་ནི་ཡང་དག་རྩོམ་ཞེས་པ་ནི་
དེའི་མོད་ལ་འགྲུབ་པར་འགྱུར་རོ་ཞེས་པའི་དོན་ཏོ། དེ་ཉིད་གསུངས་པ། ལག་
པའི་དབུས་སུ་ཞེས་བྱ་བ་ལ་སོགས་པའོ། རྣལ་འབྱོར་མ་དྲུག་ཅེས་པ་ནི་ཨོཾ་བཾ་ཞེས་
བྱ་བ་ལ་སོགས་པའི་གོ་ཆའི་སྔགས་ཀྱང་ངོ་། འཁོར་ལོ་རྣམས་ཀྱི་ཞེས་པ་ནི་ལག་པ་
གཡོན་པའི་མཐིལ་དུ་པདྨ་དམར་པོ་འདབ་མ་ལྔ་པ་བྲིས་པས་ས་སོ། གཡོན་པ་ལྔ་[༢]ནི་
བསྐུལ་ཚིག་ལྡན། ཞེས་པ་ནི་གཡོན་སྐོར་[༢]གྱིས་ཆེ་གེ་མོ་ཁུག་ཅིག་ཅེས་བསྒྲུབ་
བྱར་[༤]ལྡན་པས་སོ། འདིར་ཡང་ཡི་གེ་བདུན་པའི་སྔགས་ཀྱིས་བལྟ་བར་བྱའོ།
གང་གིས་གཟུགས་འཛིན་བསམས་ན་ནི། ཞེས་པ་ནི་གང་གིས་བསྒྲུབ་བྱའི་
གཟུགས་དེ་འཛིན་པར་བ་དག་ཉིད་ཀྱི་གཟུགས་བལྟས་ནས་ས་སོ། ཁ་ནས་གསང་
སྔགས་རྒྱལ་པོ་ཟློས། ཞེས་པ་ནི་ཉེ་བའི་སྙིང་པོའི་སྔགས་སམ་གོ་ཆའི་སྔགས་ཁ་
ནས་ཟློས་ཤིང་ལག་པ་གང་ལ་བསྟན་པ་དེ་འགུགས་པར་འགྱུར་རོ། ད་ནི་ངེས་
པར་ཞེས་པ་ལ། ད་ནི་གོ་ཆའི་སྔགས་འབའ་ཞིག་གི་ལས་བྱ་བར་གསུངས་པ།
དམར་པོ་ཞེས་བྱ་བ་ལ་སོགས་པ་སྟེ་གོ་སླའོ། ལག་པ་གཉིས་ཀྱིས་མཉེས་ནས་ནི།
རྣལ་འབྱོར་མ་ལ་སྦྱིན་སྲེག་བྱ། ཞེས་པ་ནི་ལག་པ་གཡོན་པ་དང་གཡས་པ་གཉིས་
ལ་གོ་ཆའི་སྔགས་བཀོད་པའི་རྡུལ་མཉེས་ནས་སྦྱིན་སྲེག་གི་ཐབ་ཁུང་དུ་རྡོ་རྗེ་ཕག་མོ་
ལ་སོགས་པའི་རྣལ་འབྱོར་མ་དྲུག་བསྒོམས་པའི་ཞལ་དུ་སྦྱིན་སྲེག་བྱའོ་ཞེས་པའི་དོན་
ཏོ༑ སྨེ་ཤ་ཅན་གྱི་མེའམ་ཞེས་པ་ནིའམ་སྨོས་པས་དབུལ་བར་བྱའོ། མཚན་མོ་
990


tibetan OCR www.dharmabook.ru
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*